天予自出生以來，托上天的福，一直都算健康。星期日amanda帶天之出街，我則留在家中陪天予！中午時，我本打算跟天予出元朗買點東西，半路中途，天予突然說胸口很痛…
其實天予不時都會說胸口痛，曾經帶她去看醫生，寫了紙入屯門醫院檢查，但我和amanda後來又不了了之…這一次天予突然又話胸口痛，而且我再三以公園與醫生給她二者選一，她都依然選擇看醫生，我看情況不妙，還是乖乖跟她到診所！
醫生初步認為是發炎，但不怕一萬，最怕萬一，還是建議天予去照x光及做心電圖，寫了封轉介信給我到街口的體檢中心做檢查！
一開始我怕天予會驚，所以買了盒朱古力奶給她，話做完檢查就有得飲。但她整個表現非常好，叫她換衫就換，叫佢唔郁就唔郁，叫佢忍住道氣又真係忍到！無驚無險就做完檢查，事後我問她怕不怕，她說不害怕，還覺得很有趣添！
星期三出報告，我到診所聽醫生講解，佢睇一睇，話乜事都冇，不過如果想再做其他檢查，還是可以做…咁我諗冇事就算啦，大拿拿體檢加睇醫生已經用了800大元，無謂再花錢啦！
晚上回到家，拿著體檢報告，左睇右睇，睇唔明…哈哈！天予，有很多事你不用那麼快明白的，只要健健康康就好了！
